ٹانک میں امن کمیٹی کے صدر فائرنگ سے قتل

خیبر پختونخوا کے ضلع ٹانک میں امن کمیٹی کے صدر کو فائرنگ کر کے قتل کر دیا گیا۔جیونیوز کے مطابق واقعہ رات گئے کوٹ خدک کے علاقے میں پیش آیا، جہاں مسلح افراد نے امن کمیٹی کے صدر صلاح الدین کے گھر پر فائرنگ کی۔
ڈی پی او شبیر حسین شاہ کے مطابق فائرنگ کے نتیجے میں صلاح الدین جاں بحق جبکہ ان کا بھائی زخمی ہوگیا۔ لاش اور زخمی کو ہیڈ کوارٹر اسپتال ٹانک منتقل کر دیا گیا ہے۔ڈی پی او نے بتایا کہ واقعے کے بعد پولیس کی بھاری نفری جائے وقوعہ پر پہنچ گئی اور ملزمان کی تلاش کے لیے کارروائی شروع کر دی گئی ہے۔