مقبوضہ وادی میں بھارتی بربریت کے شعلے اب لداخ کو بھی بھسم کررہے ہیں ،مشعال ملک

بھارتی قید میں موجود حیریت رہنما یاسین ملک کی اہلیہ مشعال ملک نے کہا ہے کہ مقبوضہ وادی میں بھارتی بربریت کے شعلے اب لداخ کو بھی اپنی لپیٹ میں لے رہے ہیں۔ ان کے مطابق لداخ میں بھارتی فورسز کی سیاہ کاریاں عالمی امن کے علمبرداروں کے منہ پر طمانچہ ہیں۔انہوں نے کہا کہ لداخ میں جاری مظالم نے مودی سرکار کا اصل چہرہ بے نقاب کر دیا ہے۔ پرامن مظاہرین پر گولیاں چلانا بھارتی جمہوریت کے ماتھے پر بدنما داغ ہے۔مشعال ملک نے مزید کہا کہ لداخ کے عوام کو بھی دیوار سے لگایا جا رہا ہے، چار شہید اور درجنوں زخمی مودی کے فاشزم کی واضح مثال ہیں۔ان کا کہنا تھا کہ عالمی برادری لداخ اور کشمیر میں بھارتی مظالم کا فوری نوٹس لے۔