ایران کا بھی پاک سعودی دفاعی معاہدے کا حصہ بننے کی خواہش کا اظہار

ایران نے اعلان کیا ہے کہ وہ سعودی عرب اور پاکستان کے درمیان ہونے والے مشترکہ دفاعی معاہدے میں شامل ہونا چاہتا ہے۔ایرانی پاسدارانِ انقلاب کے بریگیڈیئر جنرل رحیم صفوی، جو رہبرِ اعلیٰ آیت اللہ خامنہ ای کے اعلیٰ عسکری مشیر ہیں، نے کہا:جیسا کہ آپ جانتے ہیں، سعودی عرب اور پاکستان نے حال ہی میں ایک مشترکہ دفاعی چارٹر پر دستخط کیے ہیں۔ میں اسے ایک مثبت پیش رفت سمجھتا ہوں، اور اگر ایران بھی اس میں شامل ہو جائے تو یہ اچھی بات ہوگی، اور اگر ترکی بھی شامل ہو جائے، حالانکہ وہ نیٹو کا رکن ہے، تو یہ بھی بہتر ہوگا۔انہوں نے مزید کہا کہ:امریکہ بتدریج اپنی توجہ ایشیا-پیسیفک خطے کی جانب منتقل کرنے کی کوشش کر رہا ہے۔ جب وہ کمزور ہوگا تو ہم ایک علاقائی اسلامی اتحاد تشکیل دے سکتے ہیں۔