بھارتی وزیراعظم نریندر مودی نے ایشیا کپ 2025 کے فائنل میں پاکستان کے خلاف کامیابی پر اپنی ٹیم کو مبارکباد دی۔ سماجی رابطے کی ویب سائٹ ایکس پر جاری اپنے پیغام میں مودی نے لکھا: کھیل کے میدان میں آپریشن سندور، اور یہ بھی بھارت جیت گیا۔
تاہم دفاعی ماہرین کا کہنا ہے کہ مودی اپنے عوام کو گمراہ کرنے کی کوشش کر رہے ہیں۔ ان کے مطابق بھارتی وزیراعظم آپریشن سندور کی ناکامی کو کامیابی کے طور پر پیش کر رہے ہیں، حالانکہ حقیقت اس کے برعکس ہے۔ ماہرین کے مطابق اس آپریشن کے نتیجے میں بھارت کو بھاری نقصان اٹھانا پڑا اور اس کی عالمی ساکھ بھی متاثر ہوئی۔عسکری تجزیہ کاروں نے واضح کیا کہ دنیا جانتی ہے کہ پاکستانی فضائیہ نے اس کارروائی میں بھارت کے 7 طیارے مار گرائے تھے، جس کا اعتراف خود بھارتی حلقوں میں بھی موجود ہے۔ ان کے مطابق مودی کی جانب سے اس معاملے کو کھیل کے میدان میں جوڑنا عوام کی توجہ اصل حقائق سے ہٹانے کی کوشش ہے۔
