دیر میں پاک فوج کے کامیاب آپریشن کے بعد عوام کا والہانہ استقبال

خیبر پختونخوا کے علاقے دیر میں پاک فوج کے فتنہ الخوارج کے خلاف کامیاب آپریشن اور قیامِ امن کے اقدامات پر عوام نے فوج کا شاندار استقبال کیا۔عوام نے ایف سی کمانڈنٹ کو پھولوں کے ہار پہنائے اور پاک فوج کی قربانیوں اور کاوشوں کو بھرپور انداز میں خراجِ تحسین پیش کیا۔ اس موقع پر فضا "پاک فوج زندہ باد” کے نعروں سے گونج اٹھی۔دیر کے عوام نے اس عزم کا اظہار کیا کہ وہ خوارج کے خاتمے کے لیے پاک فوج کے شانہ بشانہ کھڑے رہیں گے۔ عوام نے علاقے میں امن و امان کے قیام پر پاک فوج کی موجودگی پر اطمینان اور مکمل اعتماد کا اظہار کرتے ہوئے شکریہ ادا کیا۔