بھارت کی آزاد کشمیر میں انتشار کی سازش بے نقاب

آزاد کشمیر میں عوامی ایکشن کمیٹی کے پرامن احتجاج کو بھارتی میڈیا منفی رنگ دے کر اپنے مذموم مقاصد حاصل کرنے کی کوشش کر رہا ہے۔اطلاعات کے مطابق بھارتی میڈیا مسلسل اے آئی ٹیکنالوجی اور جعلی ویڈیوز کے ذریعے پروپیگنڈا پھیلا رہا ہے۔ پرانی فوٹیجز اور جھوٹے مناظر کو استعمال کرتے ہوئے کشمیری عوام کے جذبات بھڑکانے کی سازش کھل کر سامنے آگئی ہے۔بھارتی میڈیا اپنی رپورٹنگ میں عوامی ایکشن کمیٹی کے احتجاج کو ڈرامائی انداز میں پیش کر رہا ہے، جبکہ حقائق اس کے برعکس ہیں۔ماہرین کے مطابق جھوٹے بیانیے اور جعلی ویڈیوز کے باعث بھارتی میڈیا پہلے ہی اپنی ساکھ کھو چکا ہے۔ کشمیری عوام نے بارہا اس جھوٹے پروپیگنڈے کو مسترد کیا ہے۔سیاسی تجزیہ کاروں کا کہنا ہے کہ بھارتی میڈیا کا یہ پروپیگنڈا کبھی کامیاب نہیں ہوگا کیونکہ کشمیری عوام کے دل سے پاکستان کی محبت ختم نہیں کی جا سکتی۔