پاک فوج کا افغان فورسز کے خلاف منہ توڑ جواب،مختلف سیکٹرز پر بھرپور کارروائی

سیکیورٹی ذرائع کے مطابق پاک افغان بارڈر پر افغانستان کی جانب سے بلا اشتعال فائرنگ کے جواب میں پاک فوج کی طرف سے مؤثر اور بھرپور جوابی کارروائی تاحال جاری ہے۔ذرائع کا کہنا ہے کہ پاکستانی فورسز انتہائی احتیاط کے ساتھ آپریشن کر رہی ہیں اور صرف اُن افغانی پوسٹوں کو نشانہ بنایا جا رہا ہے جو خارجیوں کو کور فائر فراہم کر رہی ہوں یا پاکستان کے خلاف استعمال ہو رہی ہوں۔اطلاعات کے مطابق پاکستانی فورسز نے جنڈوسر پوسٹ کو تباہ کیا ہے اور اس کی تباہی کا مناظر ویڈیو میں بھی محفوظ ہیں، جو منظر عام پر آئے ہیں۔خرلاچی سیکٹر میں پاک فوج کی جانب سے کی گئی جوابی کارروائی کی تازہ ویڈیو میں دیکھا جا سکتا ہے کہ فورسز نے افغانی پوسٹوں پر مؤثر نشانہ بندی کی۔سیکیورٹی ذرائع مزید بتاتے ہیں کہ کارروائی کا مقصد سرحدی سلامتی کو یقینی بنانا اور دہشت گردوں/خارجیوں کی سرحد پار منتقل کرنے کی کوششوں کو ناکام بنانا ہے۔ فورسز آپریشن کے دوران جمع شواہد اور ہدف کے تعین میں خاص احتیاط برت رہیں۔حالیہ کارروائیوں کے دوران پاک فوج کے مطابق فضائی اور زمینی اثاثوں کا مربوط استعمال کیا جا رہا ہے تاکہ غیر مطلوبہ جانی نقصان کم سے کم رکھا جا سکے اور صرف اہلِ جارحہ و پشت پناہی کرنے والے مراکز کو تباہ کیا جائے۔سرکاری ذرائع کی جانب سے عوام سے اپیل کی گئی ہے کہ وہ افواہوں اور غیر مستند ویڈیوز سے احتیاط برتیں اور صرف سرکاری بیانات پر بھروسہ کریں۔