ایران اور پاکستان کے وزرائے خارجہ کی ٹیلی فونک گفتگو

اسلامی جمہوریہ ایران کے وزیرِ خارجہ سید عباس عراقچی اور پاکستان کے وزیرِ خارجہ محمد اسحاق ڈار نے ایک ٹیلی فونک گفتگو میں علاقائی اور بین الاقوامی اہم امور پر تبادلہ خیال کیا۔اس گفتگو کے دوران دونوں ممالک کے وزرائے خارجہ نے علاقائی روابط کے فروغ اور تجارت و ٹرانزٹ کے شعبوں میں موجود تمام صلاحیتوں سے فائدہ اٹھانے کی اہمیت پر زور دیا۔ اس سلسلے میں انہوں نے دو طرفہ اور کثیرالجہتی تعاون کو مزید مضبوط کرنے کی ضرورت پر بھی اتفاق کیا۔مزید برآں، فریقین نے فعال سفارت کاری کے فروغ، معلومات کے تبادلے، اور علاقائی ہم آہنگی کے ذریعے علاقائی امن و استحکام کے قیام پر بھی زور دیا۔آخر میں، دونوں وزرائے خارجہ نے غزہ میں نسل کشی کے خاتمے کا خیرمقدم کیا اور آئندہ مشترکہ کوششوں کے حوالے سے اپنے نقاطِ نظر کا تبادلہ کیا۔