ایمسٹرڈیم (رائٹرز) مصنوعی ذہانت (AI) کمپنیوں اور کمپیوٹر چِپ بنانے والی عالمی کمپنیوں کے درمیان ہونے والے اربوں ڈالر کے معاہدے سے توقع ہے کہ دنیا کے معروف سیمی کنڈکٹر سازوسامان بنانے والے ادارے اے ایس ایم ایل (ASML) کے کاروباری امکانات مزید مضبوط ہوں گے۔کمپنی بدھ کے روز اپنی تیسری سہ ماہی کی مالیاتی رپورٹ جاری کرے گی، جس میں سرمایہ کاروں اور تجزیہ کاروں کی نظریں اس بات پر مرکوز ہیں کہ کیا اے ایس ایم ایل کے بڑے صارفین، جیسے کہ تائیوان کی TSMC اور جنوبی کوریا کی SK Hynix، 2026 اور اس کے بعد اپنی پیداوار کی گنجائش بڑھانے کے منصوبوں کو آگے بڑھا رہے ہیں۔
چینی ماہرین کی شاندار پیش رفت: چاند کی زیرِ زمین غاروں کی تلاش کیلئے روبوٹک کُتے تیار
تجزیہ کاروں کے مطابق، 2 ستمبر سے اے ایس ایم ایل کے حصص کی قیمت میں 32 فیصد اضافہ ریکارڈ کیا گیا ہے، جو اسی عرصے میں فلاڈیلفیا سیمی کنڈکٹر انڈیکس (.SOX) میں 15 فیصد اضافے کے مقابلے میں خاصا نمایاں ہے۔ماہرین کا کہنا ہے کہ اگر رپورٹ میں مستقبل کی سرمایہ کاری اور پیداوار میں وسعت کے اشارے سامنے آئے تو اے ایس ایم ایل کا مارکیٹ آؤٹ لک مزید مثبت ہو سکتا ہے۔
