امریکی شہر ہیوسٹن سے تعلق رکھنے والے ارب پتی جوڑے نینسی اور رِچ کنڈر نے اپنی 95 فیصد دولت فلاحی کاموں کے لیے عطیہ کرنے کا اعلان کیا ہے۔ ان کی کل دولت تقریباً 11.2 ارب ڈالر (29 کھرب پاکستانی روپے) ہے۔
غیر ملکی میڈیا کے مطابق، اس رقم کا بیشتر حصہ ہیوسٹن کے مقامی فلاحی منصوبوں، پارکس کی بحالی، تعلیمی اداروں اور کمیونٹی پروگرامز پر خرچ کیا جائے گا۔
اپنے کمائے پیسے ہی اصل اعتماد دیتے ہیں،اداکارہ ماورا حسین کا خواتین کی مالی آزادی پر زور
رِچ کنڈر نے کہا کہ ہم خود کو خوش قسمت سمجھتے ہیں کیونکہ ہماری کامیابی میں ان لوگوں کا بڑا حصہ ہے جنہوں نے ہماری مدد کی۔ ہمارا ہمیشہ سے یہ مقصد رہا ہے کہ جب ہم اس دنیا سے جائیں تو اسے اس سے بہتر حالت میں چھوڑ کر جائیں، جیسا ہم نے اسے پایا تھا۔
نینسی اور رِچ کنڈر کا یہ فیصلہ امریکہ میں مخیر حضرات کی جانب سے دیے گئے سب سے بڑے فلاحی اعلانات میں سے ایک سمجھا جا رہا ہے، جو ہیوسٹن کی سماجی ترقی اور عوامی بہبود کے لیے ایک مثالی قدم تصور کیا جا رہا ہے۔
