خبررساں ادارے این این آئی کے مطابق، حکومت نے فیصلہ کیا ہے کہ ملک بھر کے 1 لاکھ قابل اور ذہین طلباء کو مفت لیپ ٹاپ فراہم کیے جائیں گے تاکہ انہیں تعلیم اور تحقیق کے جدید تقاضوں سے ہم آہنگ کیا جا سکے۔
مرکزی تقریب جناح کنونشن سینٹر، اسلام آباد میں منعقد ہوگی، جس کے بعد چاروں صوبائی دارالحکومتوں میں بھی الگ تقریبات ہوں گی۔
ذرائع کے مطابق، یہ لیپ ٹاپس میرٹ کی بنیاد پر تقسیم کیے جائیں گے، اور اس کے لیے ہائر ایجوکیشن کمیشن (HEC) کامیاب امیدواروں کی حتمی فہرست جاری کرے گا۔
یہ اقدام نوجوانوں کو ٹیکنالوجی سے جوڑنے، تعلیمی معیار بہتر بنانے، اور ڈیجیٹل پاکستان کے وژن کو آگے بڑھانے کے لیے ایک اہم پیش رفت قرار دیا جا رہا ہے۔
