ٹانک ضلع میں بھارتی پراکسی گروہ فتنہ الخوارج کی موجودگی کی مصدقہ اطلاعات پر سیکیورٹی فورسز نے انٹیلی جنس کی بنیاد پر آپریشن کیا۔
آئی ایس پی آر کے مطابق، کارروائی کے دوران خوارج کے ٹھکانوں کو مؤثر انداز میں نشانہ بنایا گیا، جس کے نتیجے میں آٹھ بھارتی سرپرستی یافتہ دہشت گرد مارے گئے۔
آپریشن کے مقام سے بھاری مقدار میں اسلحہ اور گولہ بارود برآمد کیا گیا۔ ہلاک دہشت گرد سیکیورٹی فورسز، قانون نافذ کرنے والے اداروں اور معصوم شہریوں پر حملوں میں ملوث تھے۔
علاقے میں مزید خوارج کی تلاش اور صفائی کا عمل جاری ہے۔ بیان میں کہا گیا کہ عزمِ استحکام کے ویژن اور نیشنل ایکشن پلان کے تحت دہشت گردی کے مکمل خاتمے تک انسدادِ دہشت گردی آپریشن جاری رہیں گے۔
