قومی ٹی ٹوئنٹی اسکواڈ میں واپسی کرنے والے بابر اعظم جنوبی افریقہ کے خلاف پہلے میچ میں بدقسمتی کا شکار ہو گئے اور شاہد آفریدی کا ناپسندیدہ ریکارڈ برابر کر دیا۔
بابر اعظم دو گیندیں کھیلنے کے بعد کوربن بوش کی گیند پر بغیر کوئی رن بنائے آؤٹ ہوئے، جو کہ ان کے ٹی ٹوئنٹی انٹرنیشنل کیریئر میں آٹھواں صفر ثابت ہوا۔
اس سے قبل شاہد آفریدی بھی آٹھ مرتبہ ٹی ٹوئنٹی انٹرنیشنل میچوں میں بغیر کوئی رن بنائے آؤٹ ہو چکے ہیں۔ اس طرح بابر اعظم اب ٹی ٹوئنٹی میں سب سے زیادہ مرتبہ صفر پر آؤٹ ہونے والے پاکستانی کھلاڑیوں کی فہرست میں شاہد آفریدی کے ساتھ تیسرے نمبر پر آ گئے ہیں۔
اسی فہرست میں صائم ایوب، عمر اکمل اور کامران اکمل کے نام بھی شامل ہیں۔ جنوبی افریقہ کے خلاف تین میچوں کی سیریز کے پہلے میچ میں میزبان ٹیم نے پہلے بیٹنگ کرتے ہوئے 195 رنز کا ہدف دیا، جس کے تعاقب میں پاکستانی بیٹنگ لائن کوئی خاص کارکردگی نہ دکھا سکی اور پوری ٹیم 19ویں اوور میں 139 رنز بنا کر آؤٹ ہو گئی۔
