آزاد جموں و کشمیر میں جدید آئی ٹی دور کا آغاز ہو گیا ایس سی او وژن 2025 کے تحت یونیورسٹی آف کوٹلی میں سافٹ ویئر ٹیکنالوجی پارک، تحصیل سہنسہ میں فری لانسنگ حب، اور کوٹلی جیل میں نوعمر قیدیوں کے لیے آئی ٹی لیب کا باضابطہ افتتاح کر دیا گیا ۔
کوٹلی میں قائم سافٹ ویئر ٹیکنالوجی پارک پہلے ہی سینکڑوں نوجوانوں کو جدید آئی ٹی مہارتوں میں تربیت دے کر روزگار کے مواقع فراہم کر چکا ہے۔
ان منصوبوں کا بنیادی مقصد خطے کے نوجوانوں کو ڈیجیٹل دنیا کی جدید تقاضوں سے ہم آہنگ کرنا اور عالمی مارکیٹ میں ان کے لیے نئے مواقع پیدا کرنا ہے۔
سپرنٹنڈنٹ جیل کوٹلی کے مطابق، آئی ٹی لیب کا قیام نوعمر قیدیوں کی تعلیم و تربیت اور معاشرتی بحالی کے لیے ایک اہم قدم ہے۔
ان کا کہنا تھا کہ "اس لیب کا مقصد قیدیوں کو ایک مثبت اور سیکھنے والے ماحول میں آئی ٹی کی باقاعدہ تعلیم دینا ہے تاکہ وہ رہائی کے بعد مفید شہری بن سکیں۔”
ایس سی او وژن 2025 کے تحت کوٹلی جیل میں قائم یہ آئی ٹی لیب اپنی نوعیت کی پہلی مثال ہے، جو خطے میں اصلاحی تعلیم کے نئے دور کا آغاز ہے۔
ایس سی او کے یہ قابلِ تحسین اقدامات نہ صرف آزاد جموں و کشمیر میں بے روزگاری کے خاتمے میں مددگار ثابت ہو رہے ہیں بلکہ نوجوانوں کی صلاحیتوں کو اجاگر کر کے انہیں جدید ٹیکنالوجی کے میدان میں عالمی سطح پر مقابلے کے قابل بنا رہے ہیں۔
