پاکستان پیپلزپارٹی کے چیئرمین بلاول بھٹو زرداری سے آزاد جموں و کشمیر کے نامزد وزیراعظم فیصل ممتاز راٹھور نے زرداری ہاؤس میں ملاقات کی۔
ملاقات میں پی پی پی شعبۂ خواتین کی مرکزی صدر فریال تالپور بھی شریک تھیں۔اس موقع پر بلاول بھٹو زرداری نے فیصل ممتاز راٹھور کو ہدایت کی کہ آزاد جموں و کشمیر کے عوام کے مسائل کو ذمہ داری اور خوش اسلوبی کے ساتھ حل کریں۔
انہوں نے کہا کہ عوامی رابطوں کو مزید مضبوط بنایا جائے تاکہ علاقے کے حقیقی مسائل سے مسلسل آگاہی برقرار رہے۔ فیصل ممتاز راٹھور نے اپنی نامزدگی پر پیپلزپارٹی قیادت کا شکریہ ادا کیا اور اعتماد پر اظہارِ تشکر کیا۔
