ڈیرہ اسماعیل خان میں سکیورٹی فورسز کے انٹیلی جنس بیسڈ آپریشن میں 22 خوارج ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق 26 نومبر کو فورسز نے خفیہ اطلاعات کی بنیاد پر کارروائی کی، جس میں بھارتی پراکسی "فتنہ الخوارج” سے تعلق رکھنے والے عناصر کی موجودگی کی اطلاع ملی تھی۔
آئی ایس پی آر نے بتایا کہ آپریشن کے دوران خوارج کے ٹھکانے کو نشانہ بنایا گیا اور شدید فائرنگ کے تبادلے کے بعد 22 دہشت گرد ہلاک ہوئے۔ علاقے میں باقی خوارج کی موجودگی کے خاتمے کے لیے کلیئرنس آپریشن جاری ہے۔
آئی ایس پی آر کا کہنا ہے کہ انسداد دہشت گردی مہم عزمِ استحکام کے تحت جاری رہے گی اور ملک سے بیرونی پشت پناہی یافتہ دہشت گردی کے ناسور کا مکمل خاتمہ کیا جائے گا۔
