صدرِ پاکستان آصف علی زرداری نے وزیرِاعظم کی جانب سے ارسال کی گئی سمری کی منظوری دے دی ہے، جس کے تحت چیف آف آرمی اسٹاف فیلڈ مارشل سید عاصم منیر کو چیف آف ڈیفنس فورسز کے عہدے پر پانچ سال کے لیے تعینات کیا گیا ہے۔
اعلامیے کے مطابق صدر مملکت نے چیف آف آرمی سٹاف کی بطور چیف آف ڈیفنس فورسز 5 سال تقرری کی منظوری دی ہے
اسی طرح صدرِ مملکت نے چیف آف ایئر اسٹاف ایئر چیف مارشل ظہیر احمد بابر سدھو کی سروس میں دو سال توسیع کی بھی منظور دے دی ہے، جو ان کی موجودہ مدت ملازمت کے 19 مارچ 2026 کو مکمل ہونے کے بعد مؤثر ہوگی۔
صدرِ پاکستان نے چیف آف آرمی اسٹاف اور چیف آف ایئر اسٹاف دونوں کے لیے نیک خواہشات کا اظہار کرتے ہوئے ان کی آئندہ ذمہ داریوں کی کامیابی کے لیے دعا بھی کی۔
