ضلعی افسر صحت عبدالغفار کھیتران نے بتایا کہ جاں بحق ہونے والوں میں 6 بچے اور 2 مرد شامل ہیں، جبکہ یہ اموات گزشتہ چار روز کے دوران رپورٹ ہوئیں۔ ان کا کہنا ہے کہ اب صورتِ حال پر قابو پا لیا گیا ہے۔
محکمہ صحت کے مطابق لورالائی اور بارکھان سے میڈیکل ٹیمیں موسیٰ خیل پہنچ چکی ہیں، جبکہ ڈائریکٹر جنرل ہیلتھ کی ہدایت پر کوئٹہ سے ادویات بھی روانہ کر دی گئی ہیں۔
ڈی ایچ او موسیٰ خیل کے مطابق ایک سرکاری اسکول کو عارضی اسپتال میں تبدیل کر دیا گیا ہے، جبکہ علاقے میں پینے کے پانی کے نمونے حاصل کر کے تجزیے کے لیے بھجوا دیے گئے ہیں۔
