آسٹریلیا کے شہر سڈنی کے مشہور بونڈی ساحل پر ہونے والے فائرنگ کے واقعے میں گرفتار حملہ آور پر پولیس نے دہشت گردی سمیت 50 الزامات عائد کر دیے ہیں۔ غیر ملکی خبر ایجنسی کے مطابق آسٹریلین پولیس کا کہنا ہے کہ زخمی حملہ آور کے خلاف فردِ جرم عائد کی گئی ہے۔
یاد رہے کہ تین روز قبل بونڈی بیچ پر دو مسلح افراد نے فائرنگ کر کے 15 افراد کو ہلاک کیا تھا جبکہ 40 افراد زخمی بھی ہوئے تھے۔ حملہ آوروں میں سے ایک شخص کو موقع پر گرفتار کر لیا گیا تھا، جبکہ دوسرے حملہ آور کو بعد میں حراست میں لیا گیا۔
ہلاک ہونے والے شخص کی شناخت ساجد اکرم کے نام سے ہوئی ہے، جو بھارت کی ریاست تلنگانہ کے شہر حیدرآباد کا رہائشی تھا۔ ان کا بیٹا نوید اکرم آسٹریلین شہریت رکھتا ہے۔ ساجد اکرم 1998 میں اسٹوڈنٹ ویزے پر آسٹریلیا آئے تھے، جبکہ ان کا بیٹا نوید آسٹریلیا میں پیدا ہوا۔
پولیس کے مطابق دونوں حملہ آوروں کے ارادے کی نوعیت اور ان کے ممکنہ رابطوں کی تحقیقات جاری ہیں، اور واقعے کے پس منظر میں دہشت گردی کے ممکنہ محرکات کا بھی جائزہ لیا جا رہا ہے۔
