گورنر خیبر پختونخوا فیصل کریم کنڈی نے کہا ہے کہ پاکستان پیپلز پارٹی کے چیئرمین بلاول بھٹو زرداری ملک کے مستقبل کے وزیرِ اعظم ہوں گے۔ یہ بات انہوں نے حویلی لکھا کے نواحی علاقے وساویوالہ میں سابق وزیرِ اعلیٰ پنجاب منظور وٹو کے انتقال پر اہل خانہ سے اظہارِ تعزیت کے بعد میڈیا سے گفتگو کرتے ہوئے کہی۔
گورنر فیصل کریم کنڈی نے کہا کہ ملک میں حقیقی امن دہشت گردی کے مکمل خاتمے سے مشروط ہے۔ انہوں نے اس بات پر زور دیا کہ فتنۂ خوارج کے خلاف فوجی آپریشن ناگزیر ہو چکا ہے، اور قومی سلامتی کے لیے دہشت گردی کی ہر شکل کا مکمل خاتمہ ضروری ہے۔
