عالمی شہرت یافتہ گلوکار استاد راحت فتح علی خان کے گھر خوشیوں کے رنگ بکھر گئے ہیں، جہاں ان کی بیٹی ماہین خان کی شادی کی تقریبات کا باقاعدہ آغاز ہو چکا ہے۔
روایتی مایوں کی دلکش تقریب کی تصاویر سوشل میڈیا پر وائرل ہو گئیں، جنہوں نے مداحوں کی بھرپور توجہ حاصل کی۔
تقریب میں خاندانی اور ثقافتی روایات نمایاں رہیں اور قریبی عزیز و اقارب نے شرکت کی۔ محفل مایوں میں محبت، اپنائیت اور خوشی کی فضا قائم رہی جبکہ مداحوں کو استاد راحت فتح علی خان کی ذاتی زندگی کی ایک نایاب جھلک دیکھنے کا موقع ملا۔
مایوں کے موقع پر دلہن ماہین خان نے سنہری رنگ کا دیدہ زیب لہنگا زیب تن کیا اور نہایت دلکش نظر آئیں۔ ان کے ہونے والے شوہر شایان بھی روایتی لباس میں ہمراہ موجود تھے، دونوں کے درمیان خوشگوار ہم آہنگی تقریب کے دوران نمایاں رہی۔
خاندانی ذرائع کے مطابق، نکاح جمعہ کے روز ہو چکا ہے جبکہ شادی اور رخصتی کی مرکزی تقریبات 26 دسمبر کو منعقد ہوں گی جن میں شوبز اور دیگر اہم شخصیات کی شرکت متوقع ہے۔ استاد راحت فتح علی خان کی بیٹی کی شادی کی یہ تقریبات مداحوں میں خصوصی دلچسپی کا باعث بنی ہوئی ہیں۔
