وزیراعظم کی اپوزیشن کو مذاکرات کی پیشکش کے بعد اپوزیشن اتحاد نے حکومت سے رابطے کے لیے اپنی مذاکراتی کمیٹی کو حتمی شکل دے دی ہے۔
ذرائع کے مطابق کمیٹی میں محمود خان اچکزئی، علامہ ناصر عباس، مصطفیٰ نواز کھوکھر سمیت اپوزیشن اتحاد کی قیادت شامل ہوگی، جبکہ پی ٹی آئی کے کسی عہدیدار کو کمیٹی میں شامل نہیں کیا گیا ہے۔
اپوزیشن اتحاد میں اسد قیصر پارٹی کی نمائندگی کریں گے۔ ذرائع نے بتایا کہ مذاکراتی کمیٹی باقاعدہ اپنا ایجنڈا جاری کرے گی جس کے بعد حکومت سے رابطے شروع ہوں گے۔
اس کے علاوہ دیگر جماعتوں کی نمائندگی سے متعلق بھی کمیٹی میں مشاورت جاری ہے تاکہ مذاکراتی عمل شفاف اور مؤثر انداز میں آگے بڑھایا جا سکے۔
