وزیر اعظم شہباز شریف اور فیلڈ مارشل عاصم منیر نے عرب امارات کے صدر شیخ محمد بن زاید النہیان کا پاکستان میں پرجوش استقبال کیا۔
متحدہ عرب امارات کے صدر اپنے پہلے سرکاری دورے پر پاکستان پہنچے، جہاں انہیں نور خان ائیر بیس پر وزیراعظم شہباز شریف، نائب وزیراعظم اسحاق ڈار، فیلڈ مارشل عاصم منیر، وفاقی وزرا اور دیگر اعلیٰ حکام نے خوش آمدید کہا۔
ائیر پورٹ پر انہیں توپوں کی سلامی دی گئی اور گارڈ آف آنر پیش کیا گیا۔ وزیر اعظم اور آرمی چیف نے انہیں گلے لگایا جبکہ فیلڈ مارشل عاصم منیر کے سیلوٹ پر عرب امارات کے صدر نے گرم جوشی سے جوابی سیلوٹ کیا۔
پاکستانی حدود میں داخل ہوتے ہی یو اے ای کے صدر کے طیارے کو پاک فضائیہ کے لڑاکا طیاروں نے سلامی دی اور اپنے حصار میں لے لیا، جس سے دوستانہ تعلقات کی مضبوطی کا مظاہرہ ہوا۔
