ایشیز سیریز کے باکسنگ ڈے ٹیسٹ میچ میں انگلینڈ نے دو دن میں 4 وکٹوں سے شاندار فتح حاصل کر لی، میلبرن کرکٹ گراؤنڈ (ایم سی جی) میں کھیلے گئے چوتھے ٹیسٹ میچ میں انگلینڈ نے 175 رنز کا ہدف 6 وکٹوں کے نقصان پر حاصل کیا۔
میچ کی تفصیلات کے مطابق، باکسنگ ڈے ٹیسٹ کی دوسری اننگز میں آسٹریلوی ٹیم 132 رنز بنا کر آؤٹ ہو گئی تھی، جبکہ پہلی اننگز میں انہوں نے صرف 152 رنز بنائے تھے، اس کے برعکس انگلینڈ کی ٹیم بھی پہلی اننگز میں کچھ خاص کارکردگی دکھانے میں ناکام رہی اور پوری ٹیم 110 رنز پر پویلین لوٹ گئی۔
اس فتح کے باوجود، 5 ٹیسٹ میچز کی سیریز میں آسٹریلیا کو تین ایک کی فیصلہ کن برتری حاصل ہے، اور اگلا میچ سیریز کے نتائج کے تناظر میں انتہائی اہمیت کا حامل ہوگا۔
