پاکستان کرکٹ بورڈ نے سری لنکا کے خلاف ٹی ٹوئنٹی سیریز کے لیے قومی اسکواڈ کا اعلان کردیا ہے۔
اسکواڈ میں کپتان سلمان علی آغا کی قیادت میں عبدالصمد، ابرار احمد، فہیم اشرف، فخر زمان، خواجہ محمد نافع اور محمد نواز شامل ہیں۔ محمد سلمان مرزا، محمد وسیم جونیئر، نسیم شاہ، صاحبزادہ فرحان، صائم ایوب، شاداب خان، عثمان خان اور عثمان طارق بھی ٹیم کا حصہ ہیں۔
پاکستان کرکٹ ٹیم 4 اور 5 جنوری 2026 کو مرحلہ وار سری لنکا روانہ ہوگی اور دونوں ٹیمیں 7، 9 اور 11 جنوری کو دمبولا میں تین ٹی ٹوئنٹی میچز کھیلیں گی، جو ورلڈ کپ اسکواڈ کے انتخاب میں اہم کردار ادا کریں گے۔
دوسری جانب پاکستان کرکٹ بورڈ نے ٹیم مینجمنٹ کا بھی اعلان کیا ہے، جس کے تحت نوید اکرم چیمہ سیریز میں ٹیم منیجر ہوں گے۔ مائیک ہیسن وائٹ بال کے ہیڈ کوچ، ایشلے نوفکی بولنگ کوچ، محمد حنیف ملک بیٹنگ کوچ اور شین مکڈرموٹ فیلڈنگ کوچ کے فرائض سرانجام دیں گے، جبکہ کلف ڈیکن فزیوتھراپسٹ، گرانٹ لوڈن اسٹرینتھ اینڈ کنڈیشننگ کوچ، طلحہٰ اعجاز اینالسٹ اور سید نعیم احمد ٹیم کے میڈیا منیجر کے طور پر شامل ہوں گے۔
