غیر ملکی خبر رساں ایجنسی کے مطابق روسی وزارتِ خارجہ نے وینزویلا کے صدر نکولس مادورو اور ان کی اہلیہ کو امریکی جارحیت کے دوران زبردستی ملک سے نکالے جانے کی رپورٹس پر شدید تشویش کا اظہار کیا ہے۔
روسی وزارتِ خارجہ کے بیان میں کہا گیا ہے کہ اس معاملے پر گہری تشویش پائی جاتی ہے اور صورتحال کی فوری اور واضح وضاحت کا مطالبہ کیا جاتا ہے۔
بیان میں زور دیا گیا کہ اس نوعیت کے اقدامات ایک خودمختار ریاست کے اقتدارِ اعلیٰ کی ناقابلِ قبول خلاف ورزی ہیں، جبکہ کسی بھی ملک کی خودمختاری کا احترام بین الاقوامی قانون کا بنیادی اور کلیدی اصول ہے۔
روسی وزارتِ خارجہ نے اس سے قبل بھی وینزویلا کے خلاف امریکی فوجی جارحیت کی سخت مذمت کرتے ہوئے اس صورتحال کو نہایت تشویشناک اور قابلِ مذمت قرار دیا تھا۔
