سندھ کے دورے کے موقع پر جاری اپنے پیغام میں سہیل آفریدی نے کہا کہ وہ بانی پی ٹی آئی کا پیغام سندھ کے کونے کونے تک پہنچائیں گے۔ انہوں نے سندھ کے عوام سے اپیل کی کہ اسٹریٹ موومنٹ کی تیاری میں بھرپور ساتھ دیں۔
وزیراعلیٰ خیبرپختونخوا کا کہنا تھا کہ اتوار کو شام ساڑھے چار بجے کراچی میں مزار قائد کے مقام پر شہر کی تاریخ کا سب سے بڑا جلسہ منعقد کیا جائے گا۔
دوسری جانب پی ٹی آئی کراچی کے صدر راجہ اظہر نے بتایا کہ پی ٹی آئی سندھ کے صدر حلیم عادل شیخ کا صوبائی وزیر ناصر شاہ سے رابطہ ہوا ہے، جس کے بعد آج جلسے کے لیے باضابطہ اجازت نامہ ملنے کا امکان ہے۔
واضح رہے کہ سہیل آفریدی جلد کراچی کا دورہ کریں گے، جہاں وہ مختلف سیاسی و سماجی شخصیات سے ملاقاتیں بھی کریں گے۔
