امریکی صدر ڈونلڈ ٹرمپ کے مشرق وسطیٰ کیلئےخصوصی ایلچی اسٹیو وٹکوف کے دفتر کی جانب سے جاری بیان کے مطابق، امریکی وفد نے خصوصی ایلچی اسٹیو وٹکوف کی قیادت میں اسرائیلی وزیراعظم بنیامین نیتن یاہو سے ملاقات کی۔
ملاقات میں صدر ڈونلڈ ٹرمپ کے 20 نکاتی غزہ منصوبے کے دوسرے مرحلے اور خطے کی مجموعی صورتحال پر تبادلۂ خیال کیا گیا۔
بیان میں کہا گیا ہے کہ دونوں فریقین نے مذاکرات کو تعمیری قرار دیا اور آئندہ اقدامات کے حوالے سے امریکہ اور اسرائیل کے درمیان قریبی رابطے اور ہم آہنگی کی توثیق کی۔
