ذرائع کے مطابق خلیج کے خطے میں جاری کشیدگی اور امریکا و ایران کے درمیان بڑھتی ہوئی مخاصمت کے باعث یکم فروری 2026 سے آئندہ پندرہ روز کے لیے پیٹرولیم مصنوعات کی قیمتوں میں 9.47 روپے فی لیٹر تک اضافہ متوقع ہے۔
متعلقہ حکام کی تیار کردہ ابتدائی ورکنگ کے مطابق ہائی اسپیڈ ڈیزل (HSD) کی قیمت میں 9.47 روپے فی لیٹر تک اضافہ ہو سکتا ہے، جبکہ مٹی کے تیل کی قیمت میں 3.69 روپے فی لیٹر اضافے کا امکان ہے۔
اسی طرح لائٹ ڈیزل آئل (LDO) کی قیمت میں بھی 6.95 روپے فی لیٹر تک بڑھنے کی توقع ظاہر کی جا رہی ہے۔ تاہم حتمی اعلان حکومت کی منظوری کے بعد کیا جائے گا۔
