سپریم کورٹ میں پی ٹی آئی کے وکیل رہنما لطیف کھوسہ نے عدالت سے عمران خان سے ملاقات کی اجازت طلب کی، تاہم چیف جسٹس یحییٰ آفریدی نے کہا کہ بغیر نوٹس کے ایسا کوئی حکم نہیں دیا جا سکتا۔
چیف جسٹس نے مزید ریمارکس دیتے ہوئے کہا کہ درخواست کے قابل سماعت ہونے کے اعتراضات کو پہلے عبور کرنا ہوگا اور ذہن میں رکھیں کہ آپ کے مقدمات دوسری عدالتوں میں زیر التوا ہیں۔ انہوں نے واضح کیا کہ ملاقات کے لیے بغیر نوٹس جاری کیے کوئی آرڈر نہیں دیا جا سکتا۔
اس کے علاوہ عدالت نے القادر ٹرسٹ میں عمران خان کی درخواست ضمانت بھی خارج کر دی، جسے غیر مؤثر قرار دیا گیا۔
