وزیراعظم پاکستان کی ہدایت پر فلسطین کے لیے مزید امدادی سامان روانہ کر دیا گیا ہے۔ این ڈی ایم اے کے ترجمان کے مطابق 100 ٹن پر مشتمل یہ امدادی کھیپ فلسطینی بہن بھائیوں کی مدد کے لیے بھیجی گئی ہے۔
ترجمان نے بتایا کہ اس کھیپ میں شامل 28 امدادی پارسل الخدمت فاؤنڈیشن کے تعاون سے تیار کیے گئے تھے اور خیموں سمیت دیگر امدادی سامان خصوصی پرواز کے ذریعے علامہ اقبال انٹرنیشنل ایئرپورٹ لاہور سے روانہ کیا گیا۔
سامان روانگی کی تقریب میں وزیر ہاؤسنگ پنجاب، ایم پی اے میاں بلال یاسین مہمانِ خصوصی تھے، جبکہ این ڈی ایم اے اور وزارت خارجہ کے افسران کے علاوہ حکومتی نمائندگان اور الخدمت فاؤنڈیشن کے عہدیداران بھی موجود تھے۔
واضح رہے کہ پاکستان اب تک مجموعی طور پر 28 امدادی کھیپوں کے ذریعے 2,727 ٹن امدادی سامان فلسطین بھیج چکا ہے۔
