: بلوچستان نیشنل پارٹی (بی این پی) کے سربراہ سردار اختر مینگل کا قومی اسمبلی کی رکنیت سے دیا گیا استعفیٰ تقریباً 17 ماہ بعد منظور کر لیا گیا۔
ذرائع کے مطابق اسپیکر قومی اسمبلی سردار ایاز صادق نے سردار اختر مینگل کا استعفیٰ گزشتہ رات منظور کیا۔ بتایا گیا ہے کہ استعفیٰ اسی تاریخ سے منظور کیا گیا ہے جس روز یہ جمع کرایا گیا تھا۔
ذرائع کا کہنا ہے کہ سردار اختر مینگل جنوری 2026 تک بطور رکن قومی اسمبلی مراعات سے مستفید ہوتے رہے۔
یاد رہے کہ سردار اختر مینگل نے 3 ستمبر 2024 کو قومی اسمبلی کی رکنیت سے استعفیٰ دیا تھا، جس کی منظوری میں تقریباً 17 ماہ کا عرصہ لگا۔
سردار اختر مینگل این اے 256 خضدار ون سے فروری 2024 میں منتخب ہوئے تھے۔ ان کے استعفیٰ کی منظوری کے بعد یہ نشست خالی ہو گئی ہے، جس پر آئندہ تین ماہ کے اندر ضمنی انتخاب متوقع ہے۔
