آئی سی سی مینز ٹی ٹوئنٹی ورلڈ کپ میں میزبان بھارت نے نمیبیا کو بآسانی 93 رنز سے شکست دے کر ایونٹ میں مسلسل دوسری کامیابی حاصل کر لی۔
دہلی میں کھیلے گئے میچ میں نمیبیا نے ٹاس جیت کر بھارت کو پہلے بیٹنگ کی دعوت دی۔ بھارتی ٹیم نے مقررہ 20 اوورز میں 9 وکٹوں کے نقصان پر 209 رنز بنائے۔ ایشان کشن 61 رنز کے ساتھ نمایاں رہے
جبکہ ہاردک پانڈیا نے 52 رنز کی جارحانہ اننگز کھیلی۔ نمیبیا کے کپتان اراسمس نے عمدہ بولنگ کا مظاہرہ کرتے ہوئے 4 وکٹیں حاصل کیں۔
210 رنز کے ہدف کے تعاقب میں نمیبیا کی پوری ٹیم 19ویں اوور میں 116 رنز پر ڈھیر ہو گئی۔ بھارت کی جانب سے ورون چکرورتی نے 3 جبکہ ہاردک پانڈیا نے 2 کھلاڑیوں کو آؤٹ کیا۔
اس فتح کے ساتھ ہی بھارت نے ٹورنامنٹ میں اپنی پوزیشن مزید مستحکم کر لی ہے۔
