جماعت اسلامی بنگلادیش نے 13ویں قومی پارلیمانی انتخابات کے غیر سرکاری نتائج پر عدم اطمینان کا اظہار کرتے ہوئے انتخابی عمل کی شفافیت پر سوالات اٹھا دیے ہیں۔
جماعت کی جانب سے سوشل میڈیا پلیٹ فارم فیس بک پر جاری بیان میں ووٹرز کی مثبت اور پُرامن شرکت کو سراہا گیا، تاہم کہا گیا کہ نتائج کے اجراء کے طریقہ کار میں کئی ابہام پائے جاتے ہیں۔
بیان کے مطابق 11 جماعتی اتحاد کے متعدد امیدوار معمولی اور مشکوک فرق سے ناکام قرار پائے۔ مزید کہا گیا کہ غیر سرکاری نتائج میں بار بار تضادات سامنے آئے،
الیکشن کمیشن کی جانب سے ووٹر ٹرن آؤٹ کا تناسب جاری نہیں کیا گیا، جبکہ انتظامیہ کے بعض عناصر کی جانب سے ایک بڑی جماعت کی حمایت کے آثار بھی دیکھے گئے۔
جماعت اسلامی نے عوام سے صبر و تحمل کا مظاہرہ کرنے اور 11 جماعتی اتحاد کے آئندہ لائحہ عمل کا انتظار کرنے کی اپیل کی ہے، ساتھ ہی اس عزم کا اظہار کیا ہے کہ بنگلادیش کے لیے ان کی سیاسی جدوجہد جاری رہے گی۔
