وفاقی وزیر داخلہ محسن نقوی کا کہنا ہے کہ اسلام آباد کی نئی جیل دو ماہ میں مکمل ہو جائے گی، جس کے بعد بانی پی ٹی آئی عمران خان کو وہاں منتقل کیا جائے گا۔
اسلام آباد میں میڈیا سے گفتگو کرتے ہوئے انہوں نے کہا کہ جیل میں تمام طبی سہولیات موجود ہوں گی۔ ان کے مطابق چونکہ عمران خان کو سزا اسلام آباد کی عدالت سے ہوئی ہے، اس لیے انہیں اسلام آباد جیل منتقل کیا جائے گا۔
دوسری جانب پی ٹی آئی رہنماؤں کی طرف سے عمران خان کی صحت کے حوالے سے تحفظات کا اظہار کیا جا رہا ہے اور اڈیالہ جیل کے سابق سپرنٹنڈنٹ عبدالغفور انجم پر غفلت کا الزام بھی عائد کیا گیا ہے۔
وزیراعظم کے مشیر برائے سیاسی امور رانا ثنا اللہ نے کہا ہے کہ عمران خان جس بھی ڈاکٹر سے آنکھوں کا معائنہ کروانا چاہیں، انہیں اجازت دی جائے گی۔ انہوں نے مزید کہا کہ چار ماہ کی مبینہ غفلت کی بات درست نہیں اور عمران خان کی صحت پر سیاست نہیں کی جانی چاہیے۔
