بنگلادیش کے حالیہ عام انتخابات میں کامیاب ہونے والے اراکینِ پارلیمنٹ نے آج حلف اٹھا لیا۔12 فروری 2026 کو منعقد ہونے والے انتخابات میں بنگلادیش نیشنلسٹ پارٹی (بی این پی) 209 نشستیں جیت کر سب سے بڑی جماعت بن کر ابھری، جبکہ جماعت اسلامی بنگلادیش اور اس کے اتحادیوں نے 77 نشستوں پر کامیابی حاصل کی۔
نومنتخب اراکین سے حلف الیکشن کمیشن آف بنگلادیش کے چیف الیکشن کمشنر نے لیا۔ حلف اٹھانے والوں میں متوقع وزیراعظم طارق رحمان اور امیر جماعت اسلامی شفیق الرحمان بھی شامل تھے۔
ادھر وفاقی وزیر احسن اقبال کی زیر صدارت پاکستانی وفد بھی ڈھاکا میں موجود ہے، جو طارق رحمان کی متوقع تقریبِ حلف برداری میں شرکت کرے گا۔
سیاسی مبصرین کے مطابق نئی حکومت کے قیام کے بعد خطے میں سفارتی روابط کے نئے امکانات پیدا ہونے کی توقع ہے۔
