صوبائی حکومت کے سکول ایجوکیشن ڈیپارٹمنٹ کی جانب سے جاری کردہ نوٹیفکیشن کے مطابق رمضان المبارک کے دوران پنجاب بھر کے تمام تعلیمی ادارے نئے اوقات کے تحت کام کریں گے۔
سنگل شفٹ اسکولوں میں پیر سے جمعرات تک کلاسز صبح 8:30 بجے سے دوپہر 1:00 بجے تک ہوں گی، جبکہ جمعہ کے روز اسکول 12:30 بجے بند کردیے جائیں گے۔
ڈبل شفٹ اسکولوں میں صبح کی شفٹ پیر سے جمعرات تک صبح 8:30 بجے سے دوپہر 12:30 بجے تک جاری رہے گی، جبکہ دوسری شفٹ انہی دنوں میں دوپہر 1:00 بجے سے شام 4:00 بجے تک ہوگی۔جمعہ کے روز دوسری شفٹ دوپہر 2:30 بجے سے شام 5:00 بجے تک کام کرے گی۔
نوٹیفکیشن میں مزید کہا گیا ہے کہ طالبات کے اسکول مذکورہ اوقات سے 15 منٹ پہلے کھلیں گے اور 15 منٹ پہلے ہی بند ہوں گے۔
یہ نظرثانی شدہ شیڈول ماہ رمضان کے دوران روزہ رکھنے والے طلبہ و اساتذہ کی سہولت کے پیش نظر نافذ العمل رہے گا۔
