اسلام آباد: وزیرِ اعظم شہباز شریف مارچ کے دوسرے ہفتے میں روس کا سرکاری دورہ کریں گے، جس کے لیے سفارتی سطح پر تیاریاں شروع کر دی گئی ہیں۔
ذرائع کے مطابق دورۂ روس کے حوالے سے انتظامات کو حتمی شکل دی جا رہی ہے۔ اس موقع پر وزیرِ اعظم اہم روسی حکام سے ملاقاتیں کریں گے، جن میں دوطرفہ تعلقات، تجارتی تعاون اور علاقائی امور پر تبادلہ خیال متوقع ہے۔
وزیرِ اعظم شہباز شریف روس میں مقیم پاکستانی کمیونٹی سے بھی ملاقات کریں گے اور تاجر برادری کے نمائندوں سے گفتگو کریں گے۔ ذرائع کا کہنا ہے کہ اس دورے کو پاکستان اور روس کے درمیان اقتصادی و تجارتی روابط کے فروغ کے تناظر میں اہم قرار دیا جا رہا ہے۔
