ہنوئی: 1972 میں ویتنام جنگ کے دوران پیش آنے والا ایک اہم فضائی واقعہ آج بھی فوجی تاریخ میں نمایاں حیثیت رکھتا ہے، جب فضائی دفاعی نظام کے ذریعے کئی امریکی بمبار طیاروں کو نشانہ بنایا گیا۔
رپورٹس کے مطابق Operation Linebacker II کے دوران امریکی فضائیہ کے B-52 Stratofortress بمبار طیارے ہنوئی کے علاقے پر کارروائی میں مصروف تھے کہ روس کے سطح سے فضا میں مار کرنے والے میزائل سسٹم (SAM) کے حملوں کا سامنا کرنا پڑا۔
تاریخی ریکارڈ کے مطابق اس کارروائی میں تقریباً 15 بی-52 بمبار طیارے مار گرائے گئے۔ تباہ شدہ طیاروں کے ملبے اور انجن کے ٹکڑے آج بھی ویتنام کے دارالحکومت ہنوئی میں عوامی نمائش کے لیے رکھے گئے ہیں۔
ماہرین کے مطابق اس واقعے نے فضائی جنگ میں جدید زمین سے فضا میں مار کرنے والے دفاعی نظام کی اہمیت کو اجاگر کیا۔ مبصرین اسے اس دور میں فضائی طاقت اور میزائل دفاعی ٹیکنالوجی کے درمیان مقابلے کی ایک نمایاں مثال قرار دیتے ہیں۔
فوجی تجزیہ کاروں کا کہنا ہے کہ یہ رات فضائی جنگ کی تاریخ میں ایک یادگار لمحہ بنی اور اس نے فضائی دفاعی ٹیکنالوجی کے اثرات کو واضح کیا۔
