حکومت پاکستان نے گلگت بلتستان میں اہم انتظامی تبدیلی کرتے ہوئے بی ایس 21 کے افسر ارشد مجید مہمند کو چیف سیکرٹری گلگت بلتستان مقرر کر دیا ہے۔
ارشد مجید مہمند اس سے قبل پاور ڈویژن میں بطور اسپیشل سیکرٹری خدمات انجام دے رہے تھے۔ اسٹیبلشمنٹ ڈویژن کی جانب سے اس تعیناتی کا باضابطہ نوٹیفکیشن جاری کیا گیا ہے۔
تقرری سول سرونٹس ایکٹ 1973 کے سیکشن 10 کے تحت کی گئی ہے، جس کے مطابق ارشد مجید مہمند کو فوری طور پر نئی ذمہ داریاں سنبھالنے کی ہدایت کی گئی ہے اور وہ چیف سیکرٹری گلگت بلتستان کا چارج فوری طور پر سنبھالیں گے۔
نوٹیفکیشن میں یہ بھی واضح کیا گیا ہے کہ یہ تعیناتی آئندہ احکامات تک مؤثر رہے گی۔
