: ایک امریکی ویب سائٹ نے دعویٰ کیا ہے کہ امریکا اورایران کے درمیان کشیدہ صورتحال کے باوجود بالواسطہ رابطے اب بھی جاری ہیں۔
رپورٹ کے مطابق دونوں ممالک کے درمیان براہ راست مذاکرات کا سلسلہ رک چکا ہے، تاہم مصر، قطر اور برطانیہ ثالثی کا کردار ادا کرتے ہوئے دونوں فریقین کے درمیان پیغامات کا تبادلہ کر رہے ہیں۔
ویب سائٹ کا کہنا ہے کہ امریکا ایران سے یورینیم افزودگی کے پروگرام کے خاتمے کے ساتھ ساتھ کم از کم پانچ سال کے لیے اس کے میزائل پروگرام کو محدود یا ختم کرنے کا مطالبہ کر رہا ہے، جبکہ ایران جنگ کے دوران ہونے والے نقصانات کے ازالے کے لیے ہرجانے کا مطالبہ کر رہا ہے۔
رپورٹ میں ایک امریکی عہدیدار کے حوالے سے کہا گیا ہے کہ اگر امریکا ایران کے منجمد مالی اثاثے واپس کر دے تو ممکنہ طور پر ایران کے ہرجانے کے مطالبے کو پورا کیا جا سکتا ہے، جس سے کشیدگی میں کمی کی راہ ہموار ہو سکتی ہے۔
