قطری وزارت دفاع کے مطابق حادثہ اتوار کے روز اس وقت پیش آیا جب ہیلی کاپٹر معمول کی پرواز کے دوران تکنیکی خرابی کا شکار ہو کر ملک کی سمندری حدود میں گر کر تباہ ہو گیا۔
وزارت دفاع کا کہنا ہے کہ ہیلی کاپٹر اپنی روٹین ڈیوٹی انجام دے رہا تھا کہ اچانک فنی خرابی کے باعث حادثے کا شکار ہوگیا۔
ادھر قطری وزارت داخلہ نے بھی تصدیق کی ہے کہ حادثے میں مجموعی طور پر 6 افراد جان کی بازی ہار گئے۔
دوسری جانب Turkey کی وزارت دفاع کے مطابق جاں بحق ہونے والوں میں ایک ترک فوجی اور دو تکنیکی عملے کے ارکان بھی شامل ہیں۔
حکام کا کہنا ہے کہ حادثے کی وجوہات جاننے کے لیے تحقیقات کا آغاز کر دیا گیا ہے۔
