امریکی نشریاتی ادارے سی این این نے ایک رپورٹ میں امریکی، عرب ذرائع اور ایک اسرائیلی ماہر کے حوالے سے ڈونلڈ ٹرمپ کو خبردار کیا ہے کہ وہ ہرگز اس جزیرے میں داخل نہ ہوں۔
سی این این کے مطابق: امریکی انٹیلیجنس رپورٹس سے آگاہ کئی ذرائع کا کہنا ہے کہ ایران نے حالیہ ہفتوں میں خارگ جزیرے میں بارودی جال بچھا دیے ہیں اور مزید فوجی دستے اور فضائی دفاعی نظام تعینات کر دیے ہیں۔
نیٹو کی مشترکہ افواج کے سابق کمانڈر اور امریکی بحریہ کے افسر جیمز اسٹاورِڈیس نے بھی سی این این سے گفتگو میں کہا کہ ایرانی اس جزیرے پر امریکی فوجیوں کو ہلاک کرنے کے لیے اپنی تمام تر صلاحیت استعمال کریں گے۔
