مشرقِ وسطیٰ میں کشیدگی میں خطرناک اضافہ دیکھنے میں آ رہا ہے، جہاں ایران نے سعودی عرب میں واقع اہم فوجی تنصیب پرنس سلطان پر میزائل حملہ کرنے کا دعویٰ کیا ہے۔
امریکی میڈیا کے مطابق اس حملے میں امریکی ری فیولنگ طیاروں کو نقصان پہنچا ہے۔ ایک امریکی عہدیدار کا کہنا ہے کہ حملے کے نتیجے میں 12 امریکی فوجی زخمی ہوئے، جن میں سے 2 کی حالت تشویشناک بتائی جا رہی ہے۔
دوسری جانب ایرانی سرکاری ٹی وی نے دعویٰ کیا ہے کہ آبنائے ہرمز میں کشیدگی کے باعث 3 کنٹینر جہازوں کی گزرنے کی کوشش ناکام بنا دی گئی۔ ایرانی بحریہ کے مطابق مختلف ممالک سے تعلق رکھنے والے ان جہازوں کو واپس جانے پر مجبور کیا گیا۔
ماہرین کے مطابق حالیہ پیش رفت سے خطے میں فوجی اور معاشی تناؤ مزید بڑھنے کا خدشہ ہے، جبکہ عالمی سطح پر بھی صورتحال پر گہری نظر رکھی جا رہی ہے۔
