اسرائیلی دفاعی فورسز نے دعویٰ کیا ہے کہ ایران کے خلاف جاری جنگ کے پہلے مہینے کے دوران 800 سے زائد فضائی حملے کیے گئے، جن میں 2 ہزار سے زیادہ ایرانی فوجیوں اور کمانڈرز کو ہلاک کیا گیا۔
اسرائیلی فوج کے بیان کے مطابق ان حملوں میں تقریباً 16 ہزار مختلف ہتھیار استعمال کیے گئے جبکہ 4 ہزار سے زائد اہداف کو نشانہ بنایا گیا۔
دوسری جانب ایرانی حکام کا مؤقف ہے کہ Iran پر امریکا اور اسرائیل کے حملوں کے نتیجے میں اب تک 1937 افراد شہید ہو چکے ہیں، جن میں 240 خواتین اور 212 بچے بھی شامل ہیں۔
حکام کے مطابق ان اعداد و شمار سے جنگ کے انسانی نقصانات کی سنگینی واضح ہوتی ہے، جبکہ خطے میں کشیدگی بدستور برقرار ہے۔
