تہران: ایران کی پاسدارانِ انقلاب نے آج جاری کردہ ایک بیان میں بحریہ کے ڈپٹی چیف برائے انٹیلیجنس بہنام رضائی کی شہادت کی باضابطہ تصدیق کر دی ہے۔
اس سے قبل اسرائیل کی جانب سے دعویٰ کیا گیا تھا کہ 26 مارچ کو کیے گئے ایک حملے میں بہنام رضائی کو نشانہ بنایا گیا۔
اسرائیلی فوج کے مطابق وہ خطے کے مختلف ممالک سے متعلق اہم انٹیلیجنس معلومات جمع کرنے کے ذمہ دار تھے اور متعدد انٹیلیجنس اداروں کے ساتھ تعاون کی قیادت کر رہے تھے۔
دوسری جانب ایرانی میڈیا نے 27 مارچ کو بہنام رضائی کی یاد میں منعقدہ تعزیتی تقریب کی خبر دی تھی، تاہم پاسدارانِ انقلاب نے چند روز بعد ان کی شہادت کی باضابطہ تصدیق کرتے ہوئے اس معاملے پر وضاحت جاری کی ہے۔
