واشنگٹن: امریکی صدارتی دفتر وائٹ ہاؤس نے ایران کے خلاف ایٹمی ہتھیاروں کے ممکنہ استعمال سے متعلق خبروں کی تردید کر دی ہے۔
برطانوی میڈیا رپورٹس کے مطابق وائٹ ہاؤس کا کہنا ہے کہ ایران کے خلاف کسی بھی مرحلے پر ایٹمی ہتھیار استعمال کرنے پر غور نہیں کیا جا رہا۔
یہ وضاحت ایسے وقت میں سامنے آئی ہے جب امریکی صدر ڈونلڈ ٹرمپ کی جانب سے سخت بیانات اور ممکنہ کارروائی کی دھمکیوں کے بعد خطے میں کشیدگی میں اضافہ دیکھنے میں آیا ہے۔
دوسری جانب ایران نے امریکا سے سفارتی روابط منقطع کرتے ہوئے مذاکرات کا عمل روک دیا ہے اور جنگ بندی کے لیے بات چیت سے بھی انکار کر دیا ہے۔ ذرائع کے مطابق ایران نے اس صورتحال سے پاکستان کو بھی آگاہ کر دیا ہے۔
تجزیہ کاروں کے مطابق موجودہ حالات میں کشیدگی کم کرنے کے لیے سفارتی کوششوں کی اشد ضرورت ہے، تاکہ خطے کو کسی بڑے تصادم سے بچایا جا سکے۔
