اسرائیلی وزیراعظم بنجمن نیتن یاہو نے ڈونلڈ ٹرمپ کے ایران کے ساتھ دو ہفتوں کی جنگ بندی کے فیصلے کی حمایت کا اعلان کرتے ہوئے کہا ہے کہ یہ اقدام خطے میں کشیدگی کم کرنے کے لیے اہم پیش رفت ہے۔
وزیراعظم کے دفتر سے جاری بیان میں کہا گیا ہے کہ اسرائیل اس جنگ بندی کی حمایت کرتا ہے، تاہم واضح کیا گیا ہے کہ اس میں لبنان شامل نہیں ہے اور لبنان کے محاذ پر صورتحال بدستور مختلف رہے گی۔
بیان میں مزید کہا گیا کہ ایران فوری طور پر آبنائے ہرمز کو کھولے اور خطے میں جاری تمام حملے بند کرے تاکہ کشیدگی میں مزید کمی لائی جا سکے۔
اسرائیلی حکام کے مطابق جنگ بندی کا یہ اقدام ایک اہم موقع فراہم کرتا ہے جس کے ذریعے خطے میں امن کی جانب پیش رفت ممکن ہو سکتی ہے، تاہم اس کے لیے ایران کی جانب سے عملی اقدامات ناگزیر ہیں۔
تجزیہ کاروں کا کہنا ہے کہ اسرائیل کی حمایت کے باوجود لبنان کو جنگ بندی سے خارج رکھنا خطے میں مکمل امن کے امکانات کو پیچیدہ بنا سکتا ہے اور آنے والے دنوں میں صورتحال مزید واضح ہو گی۔
