العُلا: العُلا کانفرنس کے موقع پر وزیرِ خزانہ محمد اورنگزیب اور ایرانی وزیرِ اقتصادی امور کے درمیان اہم ملاقات ہوئی، جس میں دونوں ممالک کے درمیان اقتصادی تعاون اور تجارتی تعلقات کو فروغ دینے پر تبادلۂ خیال کیا گیا۔
ذرائع کے مطابق ملاقات میں دونوں ممالک کی قیادت کے وژن کے مطابق باہمی تجارت بڑھانے، تجارتی رکاوٹیں دور کرنے اور سہولت کاری میں اضافہ کرنے پر اتفاق کیا گیا۔
ایران کی جانب سے مختلف شعبوں میں سرمایہ کاری کے مواقع بھی پیش کیے گئے، جنہیں وزیرِ خزانہ محمد اورنگزیب نے خوش آمدید کہا۔
اس موقع پر ایرانی وزیرِ اقتصادی امور نے وزیرِ خزانہ کو ایران کے دورے کی دعوت دی، جبکہ پاکستان کی جانب سے ایرانی وزیر کو اسلام آباد آنے کی دعوت دی گئی۔
