اسلام آباد کے نواحی علی پورمیں گلگت بلتستان سے تعلق رکھنے والے ایک نوجوان کو قتل کردیا گیا۔پولیس کے مطابق گزشتہ روز نئی آبادی علی پور میں ایچ بی ایس اسپتال کے قریب تلخ کلامی کے بعد سیف اللہ ستی سعد ستی زین سمیت ملزمان نےشرافت حسین پر پستول سے فائرنگ کی جس کے نتیجے میں شرافت حسین شدید زخمی ہو تاہم اسپتال منتقل کرنے کے دوران زخموں کی تاب نہ لاتے ہوئے جاں بحق ہوگیا، اتوار کے روز مقتول کی نماز جنازہ کی ادائیگی کے بعد گلگت بلتستان کمیونٹی کی ایک بڑی تعداد نے مین لہتراڑ روڈپر لاش رکھ کر سڑک کو ہر قسم کی ٹریفک کیلئے بند کرکےشدیس احتجاج کیا جس کی وجہ سے ٹریفک کی روانی شدید متاثر ہوئی تاہم اس دوران پولیس نے موقع پر پہنچ کر ملزمان کی فوری گرفتاری کی یقین دہائی کروائی۔پولیس کی یقین دہانیوں کے بعدمظاہرین نے احتجاج ختم کر دیا۔ اسلام آباد کا نواحی علاقہ علی پور جرائم کا گڑھ بنتا جا رہا ہے۔ آئے روز قتل اقدام قتل اور چوری ڈکیتی کی وارداتیں عام ہیں لیکن پولیس ان جرائم کو روکنے اور ملزمان کی سرکوبی میں ناکام ہے
